ANIVERSARIO DE NOA

 E Noa, aínda que cumpriu tamén en marzo, celebrou o seu aniversario á volta de semana santa. Estes peques son tan maiores xa que saben perfectamente esperar cando fai falla. E a espera mereceu moito a pena xa que Noa e a súa mamá introducíronnos na interesante historia e nas lendas que rodean ao "Camiño de Santiago" facendo de nós uns auténticos peregrinos e peregrinas en busca da compostelana.

Tamén Iago, o irmá de Noa, quixo aportar o seu graniño de area á difusión do folclore galego tocando 3 temas musicais típicos de Galicia (muiñeira de Chantada, Ondiñas veñen e Pousa pousa) pero non coa gaita como estamos acostumados senón coa tuba. Impresionante traballo Iago... encantounos!!

PARABÉNS NOA E MIL GRAZAS FAMILIA... COMA SEMPRE... UN PRACER!

ANIVERSARIO XOÁN

 No mes de marzo tamén celebramos o aniversario de Xoán. El e mais o seu pai quixeron deleitarnos coa interpretación do conto "Verme e miñoca" dun xeito moi creativo e divertido. Un contacontos que fíxonos reir moito e do que sacamos varias reflexións, entre elas, o diversos que somos todos e os gustos tan distintos que temos. Deste xeito volvimos a recalcar a importancia do respecto polos demáis.

Tras a lectura, a silueta e despois a realización dunha receita deliciosa... figuriñas de chocolate de pascua. Tamén houbo propostas de pascua e voltas ao arredor do sol.

Tivemos de todo un pouco e pasámolo xenial. Gracias Xoán e familia, sempre pensando en cómo divertirnos. Pasamos un día xenial.

Parabéns Xoán, xa tes 6 aniños!!

ANIVERSARIO JULIA

 Xa comezamos o mes de marzo e con el novos aniversarios antes da chegada da primavera. Esta vez tocoulle a quenda a Julia quen, acompañada por mami, quixo recordarnos que pronto chegará unha nova estación perfecta para sementar e coidar o noso horto e xardín. Por iso, trala lectura do conto "A horta de Simón" trouxeron unha proposta de plantación de sementes... Agora toca coidalas con moito mimo para ver como crecen as nosas plantas.

PARABÉNS JULIA E GRACIÑAS MAMI!!